هااا انا اعووود مجددا...
بروايتي الثانية..
امانه لاتطلع حرارة انفاسك بحضن غيري
وبنسبه ليوم التنزيل..
هو مو محدد..
اول مخلص من كتابه البارت بنزله...
............................
امانه لاتطلع حرارة انفاسك بحضن غيري
للكاتبه(sandra-kas)
البارت الاول
في اخر حصه..
حصه بهمس وهي تشوف الساعة:واحد..اثنين..ثلاث..
ورنت الحصه..
البنات بصراخ:هيييييييييه..
المعلمة:وجع انتي وياها..
والبنات مسكوا شناطهم وعباياتهم وطلعوا وسط صراخ معلمتهم..ولا عبروها..
..
حصه بملل:اكييد مراح يجيني اخوي بدري..افف بس..
دانه:يعني انا ألي بيجيني بدري..كلا يتاخر علي محميد اصلاا..
حصه:متى بس بيخلون البنات يسقون عندنا..
دانه:لسقنا بيصير علووم..
حصه:أي والله..بس وربي زهق..كلا يتاخرون علينا وبس..
دانه:معليه تحملي ذي اخر سنه لنا..ومباقي شيء على الاختبارات النهائيه..
حصه تنهدت:معك حق..
وبعد 15 دقيقه راحوا البنات لبيوتهم..
رجعت من المدرسة..ورمت شنطتها فوق الاريكه.. وجلست باقرب كنب لها:ميري..ميري..
ميري جات:نعم..
دانه:جيبي لي كاس مااي ..
ميري:ليه مافي جيب انتا..انا مشغوله..
دانه:اقوول اخلصي..روحي جيبي ماي..
ميري:انا اسف..روح جيب انتا..
كشرت بوجها:انا وش قلت لك؟؟
ميري راحت يم المطبخ:انا تبين سوي غداء..وراحت
دانه بقهر علت صوتها:الشره مو عليك الشره ع امي المدلعتك..
ام محمد:علامك يا دانه..
دانه التفت لها:الشغاله ذابحتني..اقول لها جيبي لي كاس ماي تقول انا مشغولة..
ام محمد:أي هي مشغوولة..روحي انتي جيبي لك ماي..
دانه قامت بقهر:امحق..والله انتي مدلعتها حيل يمه..ااففف بس..
وراحت دخلت المطبخ وكبت لها موويه باردة..وراحت لغرفتهاا..استلقت في سريرها..
جلست تفكر بمدرستها..اخر سنه لها..وتخطط في أي مجال راح تدخل في الكليه..و..و...و
قامت من السرير وغيرت ملابسها ولبست لها بجامه مريحه ورجعت لسرير ونامت..
وعند الساعة 6 المغرب..
وعت على حد يطق الباب وبهمس:ميين؟؟
محمد فتح الباب:اناا..مين يكون يعني؟؟
دانه بنفس همسها:وش تبي؟؟
محمد:تقوول لك امي يلا قومي..عشان تصلين..
دانه:انزين..
وقامت وراح ع التوليت
...
<<حعرفكم على الشخصيات..
ام محمد(طيووبه بالمرره..اميه ما درست..عندها وسواس نظافة..وهي اردنيه)
ابومحمد(طيوب بالمره يحب بنته دانه كثير لانه بنته الوحيده..)
محمد(يبلغ من عمره16سنه..كسلان بالدراسة..وكلا هواش هو مع دانه..)
دانه(عمرها 18سنه..اخر سنه لها في الثانوية..دبدوبه شوويه طويله طولها165سم..ووزنها 80...يعني لاهي برشيقة ولا جسمها زي عارضات الازياء.. شعرها بني غامق لنصف ظهرها..عيونها بنيه عادية لاهي بعسليه ولا بخضراء زي بعض الابطال..بيضاء على حمار..الكل لما يشوفها يقول انها مصريه ولا اردنيه من بياضها.. على امها..طيوبه بالمرره..يعني سهل احد يكذب عليها ولا يخدعها..شفايفها متوسطه لاهي بمليانه مره ولا هي بصغيرة..جميلة بمعنى الكلمه..الكل لما يشوفها يمووت فيها..على حسن جمالها..بس عيبها انها متينه..)
وبنسبه لوضعهم الاجتماعي فهم طبقة عادية لاهم بالاغنياء ولا هم بالفقراء..
وبعد اختباراتهم النهائية نجحت دانه كالعاده طبعا بتقدير ممتاز بالحاف..ومحمد بالحاف كماان..
دانه في التلفون:أي كثري منها نسافر..
حصه:يعني مراح تسافرون..
دانه:بضبط..زي كل اجازة خلف الله علينا..
حصه:الحمدلله انا مو زيك..انا بروح لجده والبحرين.. وراح اروح لرياض..عند بنات عمي..
دانه:ااالله وناسه وربي..خاطري اروح الرياض..
حصه:انتي عندك بنات عمك بالرياض ليه متروحون لهم..
دانه تتنهد:خليهاا ع ربك..مرت عمي وبناتها ميحبون امي عشان انها اردنيه..
حصه بفضول:ليه طيب..اقصد وش فيها الاردنيه..
دانه بهمس:بيني وبينك..مرت عمي تحب ابوي من زمان..بس هو مايحبها..وتزوج امي..فعشان كذا..
حصه قاطعتها:عشان كذا اكرهتها..ولاتبيها تجي ببيتها صح..
دانه:صح..
حصه:اما مرت عمك ذي وربي حاله...
دانه:عليه العووض بس..
حصه:أي والله..يلا دندون..انا بروح دحين عشان امي تناديني..
دانه:اوكي..مع السلامه..
حصه:سلاام..
وبعد مرور كم اسبوع..وبتحديد بيت حصه..
وبعد السلام..
حصه:حيااك يادندونه..
دانه بابتسامه:الله يحيك..
حصه جلست:وربي اشتقت لك مووووت..
دانه:وانا اكثر وربي..
وفتحت شيلتها..
حصه بصراخ:قصيتي شعررك!!!
دانه:بسم الله..اي وش فيك مستغربه كذا..
حصه بعتااب:ليييه دندون..انا ماقلت لك انك ماتقصينه..عشان شعرنا يطول مع بعض..
دانه:وي عاادي لازم نكون زي بعض يعني..
حصه:أي لازم..ان قصتيه مره ثانية بذبحك..
دانه:هههه..ان شاء عمتي..
حصه:بعد قولي وش مسويه في نفسك..افسخ عباتك عشان اشوف كان متنتي ولا لا..
وفسخت عباتها..
حصه:ضعفتي يادوينه..
دانه دارت:هاه وش رايك..مو احلى..
حصه:بلاا..وش مسوويه قولي يلا..
دانه:مسويت شيء..
حصه:لا حلفي بس..ان مقلتي لي وش مسويه مراح اكلمك..
دانه:تقليل اكل..يعني مافي كتكات ولا جلكسي ولا باونتي..ولا..ولا..
حصه:الجلكسي هو متعه الحيااة..
دانه:أي طبعاا..انتي مو زيي..انتي لو وش تاكلي ماتمتني عكسي..
حصه:اناا ابي امتن..مدرري وش اسوي..حلبه وشربت..واكل واكلت..
دانه:انتي طبيعة جسمك كذا..
وجلسوا يتكلمون..ويهذرون..
حصه(عمرها 18 سنه نفس عمر دانه..طولها 159سم..سمراء ووجها طويل وضعيف..وشفايفه صغيرة..ونحيفه مره..جسمها كنه مسطره يعني ماعندها خصر ولا صدر ولا...ولا..
صديقه دانه من الطفولة..شكلها مرره عادي عكس دانه بكل شيء..طبعا في الشكل بس اما في التصرفات نفس بعض..)
وفي اثنااء حوارهم رن جوالها..
حصه:ردي..
دانه:مقدر ارد..رقم غريب..
حصه:اجل خليه صامت..
دانه:أي احسن..
وحطته صامت..وبعد نصف ساعة..
خذت جوالها وحاولت تدق بابوها ولا باخوها محمد بس محد يرد..
دانه:ليه مايردون؟؟
حصه بابتسامه:عادي اخلي سوقنا يوديك..
دانه"قلبي ناغزني..احس ان فيه شيء.."
....................................................
البارت الثاني..
ركبت السيارة ووصلها سواق حصه خويتها..
وشافت شحذ كامل من الناس امام بيتها..
نزلت من السيارة وقلبها يرجف..وشاافت........
البيت..بيت ألي عاشت فيه يحترق..والاطفاء تحاول تخمد النار..
والاطفاء يبعدون الناس عن البيت قدر الامكان..وشفت جارتنا ام احمد تصارخ..كانت لابسه جلال فوق راسه بس..
ام احمد بصراخ:ولدي..داخل..ساعدوه تكفوون..ولـــدي بداخل..احمدددد..
ابو متعب:خلااص هدي..راح ينقذونه يامره..<<الجار الثاني
اقتربت من جارتنا:امي وابوي واخوي وش صار فيهم..
ام احمد تطق بصدرها وبنوحه:ووولدي...آآآآآه ولدي...
دانه بين دموعي:اهلــي وش صار فيهم؟؟
ابو متعب:راح يطلعونهم بإذن الله..بس انتي هدي شوي..
وبعد 3دقايق..حطوا اهلي وولد جارتنا احمد..في سيارة الاسعاف..وركبت انا مع ام احمد في سيارة ابو متعب جارنا وصديق ابوي..
ورحنا للمستشفى..
وحطوا ابوي في الحالات الطارئه..
وبعد 7دقايق جانا ابو متعب وملامحه ملينه بالتعب والهم:عظم الله اجركم..
ام احمد ودانه بخوف:بميين..
ابو متعب:.............
ام احمد بصدمه:لاا..انت كذااب..اي كذااب"وبصراخ"ممات ولدي لا ما مات..انت كذاب..
وتمت تصارخ..وانا ولا كلمه.......
وجاوا النيرس وعطوها ابرة مهدئه وسط صراخهاا:ماماات ولدي..لامامات..احمممددد ماماات..
الكل مات باختناق..عدا ابوي واحين هو حالته مايعلم فيها إلا ربي...وقال الدكتور..ان امله بالحياة صعبه لان الغاز دخل في رئتينه..واستنتجوا من الحريق..انه كان الغاز مفتوح..
جلست بالاستراحه وانا استغفر وادعي ربي انه يعيش..ما طقيت بصدري ولا صارخت لما عرفت ان امي واخوي ماتوا..اكتفيت اني اقول:ان لله وان إليه راجعوون..
إيماني بالله كبير..توكلت على الله فحسب..
جلست اقراء قران..وبعد ساعتين..
ابو متعب:روحي ريحي يا بنتي..
دانه بهم:وين اروح ياخالي..البيت واحترق و...
ابو متعب قاطعها:بيتي هو بيتك يابنتي..
دانه:...........
ابو متعب:يلا يا بنتي قومي..ولا تعاندين..انا بحسبه ابوك الثاني.."بابتسامه"يلاا..
دانه ابتسمت بنكسار:لاا يا خالي ماابي اتعبك وياي..
ابومتعب:ولا تعبيني ولا شيء..ويلا امشي قدامي..
دانه:بس..
ابو متعب:لاتبسبسين..انــا وش قلت لك..
اصر علي اني اروح معه..ومقدرت اعارض..
نزلت من السيارة..ودخلت بيت ابو متعب..محسيت بنفسي إلا انا بحضن ام متعب..
ام متعب بحنان:هلاابش يابنتي..توا منور البيت..
دانه:..........
ابو متعب:عااد لااوصيك بدانه..بنت الغالي..
ام متعب مسكت يدي وبعطف:تفضلي يا بنتي..
وجلست ببيت ابو متعب..ابوي الثاني..وكل صبح اروح للمستشفى..اشوف ابوي..والاجهزه متلفه على صدره ويده..مقدرت اقوي حالي..بكيت بصمت..ابوي الوحيد ألي بقى لي في هالدنيا..
سألت الدكتور عن حاله ابوي وكل يوم يقول لي ان حالته تزيد سوء والاحتمال ضئيل جدا انه يعيش..
ومازلت متمسكه بالامل..ودائما ادعي له انه يقومه لي بالسلامه..
لبست عبايتي عشان ازور ابوي في المستشفى..
انتبهت لحد يدق الباب:ادخل..
دخلت ام متعب حسيت انها تبي تقول شيء:دانه..
التفت لها:هلا خالتي..
ام متعب بتوتر:ا.....
دانه بخوف:خالتي فيك شيء؟؟
ام متعب:مدري وش اقول لك يابنتي..
دانه بنظرات كلها شك:ابوي فيه شيء..
ام متعب سكتت شوي وبعدين تكلمت:عظم الله اجرك..
طاح الشال من كتوفي..وبصدمه:كييف..
ام متعب اقتربت مني وحطت يدها على كتفي
دانه بين دموعي:ان لله وإن إليه راجعون..ان لله وإن إليه راجعون..
وحضنتني..
.....
وبعد شهر على موت اهلها..ومن العزا دخلت غرفتها وارتمت على سريرها تبكي بهدوء على اسرتها ألي راحوا بغمضة عين..
انفتح الباب فجئه والتفت:يلاا يابنتي..
دانه وعلامة الاستغراب في وجها:على وين ياخاله؟؟
ام متعب وبحزن:بتروحين لبيت عمك..
دانه بصدمه:كييف!!
ام متعب:هو كلم ابو متعب من يومين وقال له انك راح تروحين معه..."اقتربت منها وبحنيه"راح اشتاق لك يابنتي..
وضمتها بصدرها الملياان كله حنان..حست بالاماان بحضن ام متعب..
وبعد سكوت طال لدقيقتين..ام متعب:جهزتي اغراضك..
دانه بابتسامه حزن:وهو بقى لي شيء من اخترق بيت ابووي..
ام متعب بعطف:إلا انتي عندك ملاابس..والملاابس ألي اعطيتك اياها..
دانه بدت عيونها تلمع من دموعها...
ام متعب:صحيح انهم مو ذاك الزود بس تفسي بالغرض..
مقدرت تتكلم بس اكتفت انها تضمها..ضمه وداع..
حزنت انها خلاص مراح تشوف ام متعب مره ثانيه حست انها امها الثانيه..وابو متعب ألي كان موفر لها كل شيء..رغم فقرة..وبساطه المكان إلا انها حست بالامان معهم..كنهم عائلتهاا..
لكن نفس الوقت كانت سعيده لانها راح تطلع من بيتهم..محبت تضايقهم..هم ناس على قد حالهم..وكانوا يحاولون قدر الأماكن انهم ينفذون رغباتها..باي وسيله تذكر..
بنسبه لام متعب..
بكت بصمت..على وداع دانه ألي حست انها بنتها ألي مجابتها..حاولت انها تعطيها الحنان ألي فقدته من امها..حست في داخلها ان بيجي يوم ويتقابلون فيه..
ام متعب(زوجه ابو متعب..طيبه وحنونه لابعد الحدود..عندها ولد واحد بس.. وهو احين مسافر لتكمله تعليمه..مقدرت تجيب عيال ثانين غير متعب..لان ابو متعب سو حادث وادى نتيجه الحادث انه ميقدر يجيب عيال بعد متعب ولده..)
ابو متعب(48سنه..حنون بالمره..رجل فقير وعلى قد حاله..)
....
ودعت ام متعب مره ثانية..وسلمت على عمها بكل برود...ركبت سيارة عمها..ألي كانت فخمه بالمره..طبعا بنسبة لسيارة ابوها المرحوم وابو متعب..
كان السكوت سيد الموقف...وكان كل ما يسألني..كان ابي شيء ماي ولا عصير ولا أي شيء اقول له ماابي وارجع التزم بالصمت..وغفيت من الهدوء..وحست باحد يهز كتفها ويناديها:دانه..ادنه..قومي وصلنا..
فتحت عيونها ونزلت من السيارة..رفعت وجها وشافت بيت عمها..بيت العز..متصورت للحظه انها راح تشوف بيت عمها مره ثانيه..
ادخلت بخطوات متردده..قلق..حزن...هلاااااك...
محسيت بنفسي إلا وانا بحضنها..
لطيفة بلهفه:هلاا والله بدندونه..
دانه ببحه عذبه:هلاا توفي..
لطيفة:وربي لك وحشه ياقلبي..حياك توا منورر البيت..
دانه:منورر بااهله..
التفت لصوت بعيد عنا شوي..
ام سعود بكل اشمئزاز:غصبن عنك..منور بااهله..
دانه:.........
ام سعود اقتربت شوي وبغرور:معندك بيت ياام الاردنيه..
لطيفة بقهر ع رد امها:يمه.."والتفت علي"يلا دانه تعالي ادلك ع غرفتك..
ومشيت وياها إلا بيد ام سعود:أي غرفه ألي تتكلمين عنها انتي بعد.."والتفتت علي"هي راح تنام عند الخدم..
لطيفة بنفاذ صبر:يمه وش هالكلاام...
ام سعود كشرت بوجها:وش فيها زود عنهم..ويلا روحي دليها على غرفه الخدم.."وبتهديد"ان شفتك ماسويتي ألي قلت لك عليه متلومين إلا نفسك يالطيفة..وراحت عنهم..وتركت لطيفة منحرجه مع بنت عمها..
لطيفة باحراج:دانه انا اسـ......
دانه قاطعتها:لاتعتذرين..."وبابتسامه"إلا مقلتي لي وين الغرفه..
ام سعود(عمرها44سنه..شريرة وحقودة بمعنى الكلمه..تكره ام دانه وراح تعرفون السبب..)
ابو سعود(بزنز اند بزنز..كل حياته في شغله..رجل عملي بالمرره..يحب شغله كثيرر ومن حبه لشغله ينام في شركته..)
لطيفة(عمرها 25سنه..طيوبه بالمره عكس امها واختها سحر..تحب دانه بشكل كبير..سمراء..دبدوبه امتن من دانه بكثيرر..شكلها عادي مره..)
راحت وياها لغرفه الخدم..ألي حتى الحيوان ما يقدر يعيش فيها..الجدران متشققه..والاسره مهتريه من سنه جدي..وريحه الغرفة تقرف..
لطيفة باحراج:دندون وربي اسفه كان ودي انك تنامين معي بالغرفه..بس امي الله يهديها..
دانه بابتسامه:يا قلبي انتي..انا راضيه خلاص وبعدين الغرفه مو ذاك الزود شينه.."إلا تلووع الكبد"
لطيفة ردت لها الابتسامه وطلعت..
رفعت شنطتها وحطتها فوق السرير..وجلست تطالع المكان..الدولاب المهتري..ومكسر ع جنب..تنهدت
..وبعد10دقايق..انفتح الباب بقوة..
ام سعود:وش عندك جالسه هناا"وبصراخ"يلاا قوومي..
دانه بخوف من صراخها:على وين؟؟
ام سعود بنفس صراخها وعصبيتها:روحي نضفي الحوش يلاا..وابيه يكوون نظيف بالمرره..
دانه وقفت:طيب والخدامه..يعني وش.....
ام سعود بقت عيونها:وتراددين بعد.."ومسكت زندها وشدت عليه"لماا اقول كلمه اتوقع التنفيذ..سامعه يا بنت الفقرر..
دانه حست ان يدها بتنخلع وبين دموعها:ان شاء الله..
ام سعود:واحين يلا قدامي..
خذت الشال وحطته فوق راسها..
ام سعود:ملا داعي تلبسين الشال..
دانه مسحت دموعها:يعني مراح يجي سعود..
ام سعود بدون نفس:لاا..واحيين يلا قوومي بسررعه عندك شغل كثير اليوم..
لحقتها وانا اشوف البيت وكل ركن فيه..كان قمه في الروعه والجمال..استغربت من غرفتها"اقصد غرفه الخدم" المهتريها يعني مفكرت تعدلها..
ووصلوا للحوش..ام سعود وهي تاشر على المكان:ابي كل الاوراق ألي فيه تنشال..والتراب ألي على الارض يروح سامعه ولا لا..
دانه بضعف:أي سامعه خالتي..
ام سعود بصراخ:لاتقولين خالتي تخلخلت عظامك ان شاء الله.."وبغرور"اناااا ام سعوود..ألي كلمتها ماتنرد..
وراحت عني..ومسكت المخمه وكنست وشلت الاوراق على مطلبت..
وبعد ساعة من الشغل..احس ان عظامي بتتكسر من كثر مانخ"اخندس او انزل"..فرحت لما خلصت جيت بطلع التفت وشفتها قدامي..
ام سعود:زين انك خلصتي واحين يلاا نظفي الصاله..بسررعه..
دانه"اففف..اشتبي ذي.."ورحت وياها..
ام سعود:ابيك تنفضي الكنب وتجرينه وتكنسين ألي تحته وبعد متكنسين المكان كله..امسحي بالمنب..ولا تنسين انك تمسحين الاثاث..وان تكسر شيء ما تلومين إلا نفسك..ساامعه..
دانه بتعب:سامعه..
وبعد منظفت كل شيء..دانه حطت يدها في بطنها(يارربي..جووعانه حدي..ابي اكل..من الصبح وانا على لحم بطني..)
راحت للمطبخ..وفتحت الثلاجة..وخذت لها عصير برتقال..وشربته..وعملت لها توست بالجبن..وجلست تاكل..
حست بأحد ضرب كتفها بقوة التفتت له..
ام سعود بعصبيه:انتي باي حق تاكلين..هاه..
دانه(وذي وراي وراي) بتوتر وخوف:ا...انا كنت جوعانه و....
شدت شعرها بقوة وعطتها كف ع وجها قووي..رن اذانها رن..
ام سعود بنفس عصبيتها:انتي خداامه هناا..يعني ماتاكلين إلا بقايا اكلنا..زي ماري..سامعه يا بنت الفقرر...
وطلعت وخلت دانه بحاله..بكى..ألم..رعب..خووف من ألي بيجي لها منهااا..
................................................................
