شوك بلا كلب ما ينحسب شوك وعليك اليوم كل اعضاي ملهوفة
وكـيل مني رحت وي رمشة العين أنا بعدك صفيت اليوم سالوفة
عفتني بلا ذنب بلا عذر مشروع وكـ مو تدري العذول محضر دفوفة
وكـ يا بير الوفة يا كاتم أسرار بير اليوم كل أسرارة مكشوفة
ماريد اليصبر بية بجفاك ولا نضرة عطف وي مدت جفوفة
أريدك ذاك أنت الفاتني وراح وصفت عيني بعد ماتكدر شوفة
ذاك الي ضحكتة تحرك الروح وعلـ لمسمع كلامة يصير معزوفة
أكلك أنا بعدك صاير شلون وكـ مثل سمجة علـ نار جفاك مسكوفة


محمد العراقـــــــــــــــــــــــــــــــــــــــي